Kryeqyteti i Austrisë, Vjena sonte është goditur nga sulme me armë zjarri.

Policia e Vjenës e ka konfirmuar këtë përmes një postimi në Twitter.

Në ora 8:00pm janë dëgjuar të shtëna me armë zjarri në Seitenstettengasse. Disa të dyshuar të armatosur me pushkë automatike në gjashtë lokacione të ndryshme. Një i vrarë dhe disa të plagosur. Një i dyshuar i vrarë nga oficerët e policisë”, është shkruar në postim.

Policia e Vjenës ka thënë se dy persona janë vrarë si pasojë e asaj që Ministri i Brendshëm austriak, Karl Nehammer, ka thënë se është “sulm terrorist” në qendër të qytetit. Zyrtarët policorë kanë thënë se një person është vrarë dhe disa të tjerë janë plagosur, përfshirë një zyrtar policor. Një i dyshuar është qëlluar dhe është vrarë nga zyrtarët policorë, sipas policisë. Ministria e Brendshme ka thënë më herët se një sulmues ka vdekur dhe një tjetër është në arrati. Mirëpo, një zëdhënës ka thënë më vonë se të paktën një i dyshuar është dërguar në mbajtje pas incidentit.