Golat e Ronaldos vendimtar në fitoren e Al-Nassrit

Superylli i futbollit, Cristiano Ronaldo, ishte vendimtarë të premten në fitoren e Al-Nassrit. Në kuadër të xhiros së 12-të të kampionatit arab, Al-Nassri e mposhti Damacun me rezultatin 2:0. Të dy golat për Al-Nassrin i realizoi Ronaldo.

Golin e parë portugezi e shënoi nga penalltia në minutën e 17-të.

Golin e dytë personal dhe të fundit në ndeshje e realizoi në minutën e 80-të.

Ronaldo tashmë ka realizuar 915 gola në karrierë.

Al-Nassri ka 25 pikë dhe është në pjesën e epërme të tabelës.

Damacu ka 14 pikë dhe është në mesin e tabelës.