Trajneri i Milanit, Stefano Pioli përshkroi se si Milani e përgatiti golin e Rafael Leaos dhe zbuloi se “Rossonerët” do të nënshkruajnë me lojtarë të rinj në janar “nëse do të ketë mundësi të mira.”

“Rossonerët” arritën sot fitore me rezultat 2-1 ndaj Sassuolos me Rafael Leaon, i cili shënoi golin më të shpejtë në historinë e Series A pas vetëm gjashtë sekondave.

Pioli pas ndeshjes zbuloi se veprimi ishte përgatitur në trajnime.

“Ne kemi katër ose pesë situata për fillimin e ndeshjes dhe kemi dashur të kemi një qasje të fortë sepse kemi humbur diçka në ndeshjet e fundit. Falënderime për Hakan Calhanoglu, Brahim Diaz dhe Leao që bënë lëvizjen e duhur”, tha Pioli për Sky Sport.

“Çdo lojë vlen tre pikë, kjo është ajo që unë gjithmonë i them ekipit. Ne gjithmonë luajmë për të fituar dhe nuk ishim të kënaqur për dy barazimet e fundit.”

A pret ai nënshkrime të reja në janar?

“Ne kemi ide të qarta, klubi e di që nëse do të ketë mundësi të mira do të përpiqemi t’i shfrytëzojmë në maksimum, përndryshe do të mbetemi kështu. Na mungonin dy qendërmbrojtës dhe dy sulmues sot. Tani na duhet përpjekja e fundit kundër Lazios, do të jemi pa [Franck] Kessien i cili do të pezullohet.”, sqaroi në fund Pioli.