Gripi izolon edhe dy lojtarë të Francës, probleme për Deschamps

Raphael Varane dhe Ibrahima Konate janë bërë lojtarët e fundit të Francës që janë infektuar me një virus që po përhapet te kampioni në fuqi i Kupës së Botës përpara finales së dielës me Argjentinën.
Varane, i Manchester United, dhe mbrojtësi i Liverpoolit, Konate, luajtën të dy ndërsa ekipi i Didier Deschamps mposhti Marokun 2:0 të mërkurën mbrëma, për të vendosur finalen e kësaj fundjave me Argjentinën.
Megjithatë, raportohet se të dy qendërmbrojtësit u zgjuan me simptoma të lehta të ftohjes dhe gripit të sot në mëngjes, dhe tani do të izolohen dhe monitorohen gjatë 24 orëve të ardhshme.
Një tjetër mbrojtës, Dayot Upamecano dhe mesfushori Adrien Rabiot, u infektuan nga kjo sëmundje në fillim të kësaj jave, dhe humbën gjysmëfinalen. Sulmuesi anësor rezervë, Kingsley Coman gjithashtu ka qenë i sëmurë.