Haradinaj: Lista Serbe, është pozitë apo opozitë në komisionet e Kuvendit
Sipas Haradinajt, pozicioni i Listës serbe nuk është i qartë
Shefi i grupit parlamentar të AAK-së, Daut Haradinaj kërkoi që ta dijë pozicionin e Listës serbe, nëse është pozitë apo opozitë, sa i përket ndarjes së komisioneve parlamentare.
“A ka ndërhyrje të rregullores, a është në proporcion me numrin e shumicës shqiptare dhe si e cilësoni listën serbe pozitë apo opozitë, sepse nuk është e qartë”, tha ai.
Ndërkohë, është duke u mbajtur seanca plenare e Kuvendit. Me 100 vota për u votua zgjatja e ndarjeve buxhetore edhe për muajin mars.