Të mërkurën është tërhequr shorti për Kampionatet Evropiane të grupmoshës U19 në konkurrencë të femrave në hendboll.

Në mesin e 34 ekipeve kombëtare që do të garojnë në Kampionate Evropiane, 16 në Divizionin A dhe 18 në Divizionin B, do të jetë edhe Kosova.

Kosova U19 do të garoj në Evropianin e Divizionit B që mbahet në Shkup të Maqedonisë së Veriut prej 10 deri më 18 korrik.

Kosova është në grupin B së bashku me Holandën, Maqedoninë e Veriut, Ishujt Faroe dhe Bosnjë-Hercegovinën. Në grupin A janë Islanda, Bjellorusia, Polonia, Finlanda dhe Britania e Madhe.

Kosova është në një grup të vështirë, por synimi është për të marrë disa fitore. Kjo gjeneratë ishte së bashku dy vjet më parë në Evropianin U-17 dhe tani prej saj priten ndeshje më të mira dhe rezultate. Natyrisht grupi i lojtareve mund të plotësohet me hendbolliste me perspektivë që do të shfaqin potencial deri në korrik“, thuhet në njoftimin e Federatë së Hendbollit të Kosovës./21Media