Dashi

Horoskopi i datës 19 dhjetor 2020

Tejet ambiciozë dhe me besim në vetvete, ju do kërkoni të zgjidhni çdo problem gjatë kësaj dite. Në fakt përpjekjet dhe impenjimi do të shpërblehen. Nëse keni një lidhje, marrëdhënia me partnerin do përmirësohet mjaft. Do shpreheni më lirisht dhe nuk do druheni të diskutoni edhe për tema delikate. Ju beqarët do keni mundësi me shumicë për takime dhe aventura dhe mund të përgatisni terrenin për të filluar shumë shpejt një lidhje serioze. Në punë nuk do merrni dot përgjigje për të gjitha pyetjet që do bëni, megjithatë mos u dorëzoni dhe prisni një tjetër moment për të kërkuar atë që doni. Ndryshime pozitive do ndodhin në planin financiar. Filloni të hiqni disa lek mënjanë për raste rreziku.

Demi

Horoskopi i datës 19 dhjetor 2020

Merreni jetën si t’iu vijë sot dhe mos e brengosni shpirtin duke kërkuar t’iu bëhet çdo gjë në perfeksion. Hëna do ua ndërlikojë jetën ju të dashuruarve dhe do keni debate të ashpra me partnerin. Do prekeni mjaft nga disa gjëra që ai do iu thotë dhe do trishtoheni. Ju beqarët do e keni të vështirë të gjeni personin më të përshtatshëm për veten. Bëni edhe pak durim. Sipas Dritare.net, në punë do iu jepen mundësi të shkëlqyera për ta treguar sesa vleni. Strategjitë që do ndiqni do ju çojnë atje ku keni dashur gjithë këto kohë. Çështjet financiare nuk do shkojnë ashtu si duhet. Do keni vështirësi të cilat mezi do i kaloni.

Binjakët

Horoskopi i datës 19 dhjetor 2020

Mërkuri do jetë planeti që do kujdeset pafundësisht për ju gjatë kësaj dite kështu që duhet t’i jeni falënderues përherë. Nëse jeni në një lidhje, asnjë planet nuk do mund të tronditë sektorin tuaj të dashurisë, madje Hëna do iu ndihmojë të shihni edhe një të ardhme të mirë së bashku. Për ju beqarët mund të ketë dashuri të reja, por më pasionantet do jenë dashuritë e vjetra që do të rikthehen. Shfrytëzojeni ditën sa të mundeni. Në punë, sido që t’iu vijnë gjërat mirë është të tregoheni të duruar dhe të mos bëni gabime. Nëse dikush ju propozon diçka, dëgjojeni me kujdes dhe nëse diçka nuk ju pëlqen mos ua vini veshin, por mos ua thoni. Plutoni do të favorizojë financat dhe do keni mundësinë të shlyeni edhe borxhet që keni pasur. Ruajeni ekuilibrin që do vendoset.

Gaforrja

Horoskopi i datës 19 dhjetor 2020

Edhe pse gjërat nuk do ju ecin sipas parashikimeve, sot nuk duhet të mendoni se jeni fatkeqë. Nëse jeni në një lidhje duhet të tregoheni realistë dhe mos mendoni se keni gjithmonë të drejtë. Të gjithë bëjnë gabime dhe ju nuk keni si të jeni ndryshe. I vlerësuar është ai që i pranoni ato dhe kërkon falje. Ju beqarët do kërkoni gjatë gjithë kohës, por ende nuk do e gjeni atë që iu përshtatet. Në punë do qëndroni orë shtese dhe jo vetëm që nuk do paguheni, por nuk do merrni as falënderime. Financat nuk do jenë as shumë të mira as shumë të këqija. Ruani sa të mundni ekuilibrin.

Luani

Horoskopi i datës 19 dhjetor 2020

Mos u bëni supersiciozë sot. Kjo ditë do jetë me të vërtetë shumë ë bukur, me fat dhe e mbushur me gëzim. Planetët do kenë një ndikim mjaft pozitiv për ju që keni një lidhje. Do i matni mirë fjalët dhe nuk do bëni gabime. Bashkëpunimi do fillojë të përforcohet. Nëse jeni beqarë nuk duhet të filloni aventura të cilat mund t’iu bëjnë të vuani më vonë. Në punë duhet të zgjidhni sa më parë disa çështje që i kishit lënë pezull sepse në të kundërt do merrni kritika. Me financat nuk duhet të tregoheni impulsivë. Shpenzoni për gjërat më të nevojshme, por me kujdes. Në këtë mënyrë nuk do keni tronditje.

Virgjëresha

Horoskopi i datës 19 dhjetor 2020

Sot do keni luhatje të shpeshta humori, mund ta ngrini edhe zërin, por të gjithë do ju tolerojnë. Nëse jeni në një lidhje do vazhdoni të keni dyshime mbi vazhdimësinë e jetës në çift. Mundohuni të mos merrni vendime të nxituara sepse kjo do iu bëjë të lëndoheni më vonë. Ju beqarët do e keni të vështirë të krijoni lidhjen që keni ëndërruar. Prisni edhe pak kohë. Në punë do jetë pak e vështirë për të realizuar një takim me shefat, por nuk do dekurajoheni dhe do arrini qëllimin që i keni vënë vetes. Financat do jenë mjaft të ekuilibruara dhe nuk do keni tronditje të mëdha. Ruajeni këtë situatë.

Peshorja

Horoskopi i datës 19 dhjetor 2020

Për shkak të vendosjes jo të mirë të planetëve, sot nuk do kaloni një ditë shumë të qëndrueshme. Nëse keni një lidhje, mrrëdhënia në çift nuk do jetë shumë e qetë. Mundohuni të mos e impononi mendimin tuaj me çdo kusht sepse kjo do sjellë debate. Ju beqarët do tregohen të paduruar dhe mund të bëni disa zgjedhje të gabuara. Në punë nuk do ju mungojë as imagjinata dhe as vendosmëria për të realizuar çdo objektiv. Me këmbëngulje dhe besim do i kaloni edhe vështirësitë. Sipas Dritare.net, në planin financiar nuk duhet në asnjë mënyrë të ndërmerrni rreziqe të mëdha dhe as të jepni para hua. Sot duhet me patjetër të ruani ekuilibrin.

Akrepi

Horoskopi i datës 19 dhjetor 2020

Mundohuni të jeni më të matur dhe të reflektoni para çdo hapi që do hidhni. Saturni do ju bëjë më të guximshëm. Nëse jeni në çift dhe marrëdhënia juaj po kalon një periudhë të vështirë, duhet të bëni çmos që t’i rregulloni gjërat dhe të diskutoni hapur me partnerin. Mos dëgjoni ato që do iu thonë të tjerët. Ju beqarët do betoheni se askush nuk mund t’ua marrë “lirinë” që keni dhe nuk do doni lidhje, por ka gjasa që nga mbrëmja të ndryshoni mendim. Në punë do doni të bëni çdo gjë me kujdes dhe largpamësi. Dëgjojini edhe kolegët e vjetër sepse përvoja e tyre do iu japë shtysë. Në planin financiar do shpenzoni me maturi dhe kjo do bëjë që të mos keni probleme.

Shigjetari

Horoskopi i datës 19 dhjetor 2020

Asgjë nuk do ju ecë sipas parashikimeve gjatë kësaj dite dhe kjo gjë do ju demoralizojë pafundësisht. Plutoni do sjellë mosmarrëveshje për ju të dashuruarit. Tregohuni të përmbajtur dhe bëni kujdes me ato që do thoni. Ju beqarët do keni shumë fat në dashuri. Venusi do iu ndihmojë të gjeni personin e duhur me të cilin të krijoni një lidhje serioze. Në punë do merrni një promovim, i cili do ju motivojë më shumë dhe do ju shtyjë të bëni edhe përpjekje. Konkurrenca do jetë e fortë nëse punoni në sektorin privat kështu që bëjini sytë katër. Nëse shpenzoni pa menduar gjatë kësaj dite, ekuilibri financiar do të tronditet ndjeshëm. Shmangni edhe marrjen e vendimeve të mëdha.

Bricjapi

Horoskopi i datës 19 dhjetor 2020

Mos flini gjatë kësaj dite, por bëni çdo gjë që të keni dëshirë. Askush dhe asgjë nuk do ju ndalë dot kur e bëni diçka me zemër. Nëse jeni në një lidhje do keni mundësi të shijoni lumturinë. Nuk do keni as debate dhe as konflikte me njëri-tjetrin. Shfrytëzojeni sa të mundni ditën sepse jo të gjitha janë të tilla. Ju beqarët duhet të tregoheni më vigjilentë kur të kërkoni personin e duhur. Mos u nxitoni në mënyre që të mos vuani. Në punë konkurrenca do jetë shumë e madhe, por nëse përpiqeni mundet edhe të arrini ku doni. Nëse keni ëndërruar ndryshime, mund të jetë edhe dita juaj e privilegjuar. Financat do përmirësohen ndjeshëm. Tashmë ju mund të bëni edhe ndonjë shpenzim më tepër.

Ujori

Horoskopi i datës 19 dhjetor 2020

Sot do jeni të guximshëm, sypatrembur dhe realistë. Jeta juaj do jetë e ndriçuar, por do i ndihmoni edhe të tjerët të kalojnë momente të këndshme. Jeta sentimentale për ju që jeni në një lidhje do vazhdojë të mbrohet nga yjet edhe gjatë kësaj dite. Klima do jetë e ngrohtë dhe do jeni të lirë të bëni çfarë të doni. Ju beqarët do ndiheni mirë edhe ashtu si jeni prandaj nuk do kërkoni me ngulm të keni dikë pranë. Në punë duhet t’i bëni sytë katër dhe duhet t’ua vini veshin këshillave të eprorëve. Gjithashtu mirë është të reflektoni para se të veproni. Me financat duhet të vazhdoni të tregoheni të matur ende. Nuk ka ardhur ende koha të bëni shpenzime të mëdha.

Peshqit

Horoskopi i datës 19 dhjetor 2020

Bujaria juaj e tepër mund të nxitë disa persona të këqij të përfitojnë prej jush sot. Tregohuni më të kujdesshëm. Ju të dashuruarit do flisni pa u menduar sepse do keni bindjen se partneri ju do aq shumë saqë mund të pranojnë edhe ndonjë gabim. Në fakt kjo nuk do ndodhë sepse ai nuk do jetë aspak në humor. Ju beqarët do ndikoheni nga financat e disa personave që do takoni dhe do bëni zgjedhje të gabuara. Në punë mund të ndodhin disa vonesa me çështjet që keni nisur, por nuk duhet të alarmoheni. Kujdes me disa kolegë të vjetër që do ju hiqen si shokë ndërkohë që do kërkojnë t’iu prishin planet. Në planin financiar duhet të ndiqni një strategji shumë strikte.