Pas përfundimit të takimit virtual me presidentin e Serbisë Aleksandar Vuçiq, kryeminsitri i Kosovës, Avdullah Hoti deklaroi se është arritur pajtueshmëri për agjendën e takimit të radhës dhe elementet kryesore të procesit të dialogut.

Hoti njoftoi se takimi i rradhës  do të mbahet të enjten.

“Takimi është vlerësuar edhe nga ndërmjetsit e procesit se takimi ka qenë konstruktiv duke qenë se kemi prezantuar qëndrimin tonë shtetëror dhe jemi të gatshëm të ulemi në çdo tavolinë të dialogut për të mbrojtur shtetësinë e Kosovës dhe duke kërkuar normalizim të marrëdhënieve, normalizim i cili vjen  vetëm pas njohjes reciproke në mes të dy vendeve”, tha Hoti.  /21Media