Kryeministri Avdullah Hoti, ka zhvilluar një bisedë telefonike me Kryetaren e Kuvendit dhe u.d të Presidentes, Vjosa Osmani.

Hoti tha se pasi i ka uruar shërim të shpejtë nga Covid-19 Osmanit, e ka njoftuar atë se Qeveria e Kosovës përmbyllë së shpejti analizën e rishikimit funksional të rrjetit të misioneve diplomatike të Kosovës.

“Mbi bazën e kësaj analize, do të ndërmerren të gjitha veprimet e nevojshme: (1) për të siguruar funksionim efikas të misioneve diplomatike të Republikës së Kosovës; dhe (2) përbërja e misioneve diplomatike të jetë në përputhje me ligjin.”, shkroi Hoti në Facebook.

Sot Osmani sot përmes një postimi në Facebook është ankuar se pavarësisht kërkesës së saj nuk deri tani as edhe një dokument i vetëm nuk i është sjellë për shqyrtim, sa i përket shërbimit diplomatik, nga ana e Qeverisë./21Media