Hoti mirënjohës profesionistëve shëndetësorë, policëve e inspektorëve

 

Kryeministri Avdullah Hoti ka falënderuar profesionistët shëndetësorë, policët e inspektorët për kontributin që po japin në përballje me pandeminë.

Këtë mirënjohje dhe falënderim, Hoti e ka bërë në sot meqë shënohet edhe Dita Ndërkombëtare e Humanizmit.

“Sot, në Ditën Ndërkombëtare të Humanizmit, u jemi mirënjohës të gjithë profesionistëve shëndetësorë, policëve e inspektorëve, për kontributin e jashtëzakonshëm që po japin në përballje me pandeminë Covid-19. Edhe pas pothuajse 6 muajsh punë, duke e rrezikuar shëndetin e tyre, ata vazhdojnë të besojnë dhe t’i shtojnë përpjekjet për t’u dalë në ndihmë të sëmurëve”, ka shkruar Hoti.