Humb jetën një person në një aksident në rrugën Mitrovicë – Prishtinë

Një person ka vdekur si pasojë e një aksidenti që ka ndodhur gjatë ditës së sotme rreth orës 12:00 në rrugën nacionale Mitrovicë – Prishtinë  përkatësisht në fshatin Deberlluke.

Lajmin për portalin rtv21.tv e konfirmoi zëdhënësi i policisë për Rajonin e Mitrovicës, Avni Zahiti.

“Në  aksident janë  përfshirë   një  veturë dhe një  kamion, ku si pasojë  e lëndimeve të  pësuara në aksident ka humbur  jetën shoferi i veturës viktima rreth 60 vjeçar.  Njësitet përkatëse policore kanë dalë në vendngjarje dhe po zhvillojnë hetimet për  aksidentin.”,  tha ai./21Media