Shërbimet shëndetësore të shtetit të New York-ut filluan t’u japin vaksinën punonjësve shëndetësorë sot dhe personi i parë që ka marrë vaksinën e koronavirusit në SHBA është infermierja e kujdesit intensiv Sandra Lindsey, tha guvernatori Andrew Cuomo.

Lindsay mori vaksinën Pfizer në Qendrën Mjekësore Hebreje në Long Island rreth orës 09:30 të mëngjesit dhe ngjarja u transmetua drejtpërdrejt në disa stacione televizive, raporton Daily Mail.

“Unë nuk u ndjeva ndryshe nga sa kur merrja ndonjë vaksinë tjetër. Kisha shpresë, ndihem më e lehtë. Më duket se ka një kurë për virusin korona. Shpresoj se ky do të jetë fundi i një kohe shumë të dhimbshme në historinë tonë. Unë dua t’i them publikut që vaksina është e sigurt”, tha infermierja.

2.9 milionë dozat e para filluan të shpërndahen nëpër qendrat shëndetësore në Shtetet e Bashkuara dhe vaksinat filluan nga fabrika e Kalamazoo e Pfizer në Miçigan.

Sipas tyre, tre milionë doza do të vijnë nga Pfizer për 64 vende, përveç që mbulojnë të gjithë territorin amerikan dhe pesë agjenci federale me vaksina.