Nga 400 deri në 1000 euro do të jenë gjobat në Itali për ata që nuk mbajtën maska edhe në ambiente të hapura.

Italia po planifikon sanksione mjaft të rënda administrative për personat që nuk respektojnë detyrimin e mbulimit të fytyrës për të shmangur kësisoj përhapjen e koronavirusit.

Në Itali, kush del nga shtëpia duhet ta ketë maskën gjithmonë me vete, sepse po shihet dhe mundësia që ajo të bëhet e detyrueshme deri dhe në rrugë.

Drafti i projektligjit që parashikon një gjë të tillë, përjashton nga ky detyrim fëmijët e moshës nën 6-vjeç, individët që bëjnë aktivitet fizik apo njerëzit me patologji të cilat nuk ia lejojnë përdorimin e maskës. Edhe më të ashpra janë masat për ata që shkelin karantinën.

Këta persona do të ndëshkohen me 500 deri në 5000 euro gjobë e rrezikojnë dhe arrestimin nga 3 deri në 18 muaj.