Bija e Donald Trump, Ivanka Trump e ka cilësuar babanë e saj si njeri të paqes.

Ajo përmes një statusi në rrjetet sociale ka përmendur marrëveshjet të cilat janë arritur në gjatë presidencës së Trump, e ndër to edhe marrëveshjen ekonomike të Kosovës me Serbinë.


Në prezencë të presidentit Donald Trump, kryeministri i Kosovës, Avdullah Hoti dhe presidenti i Serbisë, Aleksandar Vuçiq, më 4 shtator të këtij viti nënshkruan marrëveshje në dokumente të ndara për normalizimin ekonomik ndërmjet dy vendve.

Marrëveshja përfshin disa projekte ekonomike, si ndërtimi i autostradës, i linjës hekurudhore dhe nisja e fluturimeve Prishtinë-Beograd. Në këtë marrëveshje, palët po ashtu janë pajtuar që SHBA-ja të kryejë studim fizibiliteti në Liqenin e Ujmanit me “me qëllim të përdorimit të përbashkët të Liqenit të Ujmanit, si furnizues i sigurt i ujit dhe energjisë”./21Media