Sot do të zhvillohet dy ndeshjet e para të xhiros së shtatë në Superligën e Kosovës në futboll.

Në Skënderaj, Drenica është nikoqire e Arbërisë. Në gjashtë ndeshje të zhvilluara, nikoqirët kanë regjistruar dy fitore, dy barazime dhe dy humbje.

Statistikë të njëjtë kanë edhe mysafirët, ashtu që dy kundërshtarët kanë pikë të barabarta, nga tetë.

Kurse, takimi tjetër zhvillohet në Brestovik të Pejës, ku Besa pret skuadrën e Llapit. Vendasit kanë arritur vetëm një fitore në këtë fillimsezoni, ndërsa i kanë humbur pesë takime.

Ndërsa, Llapi ndodhet në fund të tabelës dhe akoma nuk e ka shijuar fitoren. Nga pesë ndeshje të zhvilluara ka regjistruar një barazim dhe katër humbje. Këto ndeshje fillojnë nga ora 14:00.