Nga e marta do të ketë ulje të temperaturave

Nga e marta do të ketë ulje të temperaturave

Gjatë kësaj jave do të mbajë mot i ndryshueshëm. Kjo situatë meteorologjike me masa të ashpra nga veriu, do të ndikojë në uljen e temperaturave minimale duke bërë që në ditët e ardhshme, pas ditës së martë përpos borës, parashihen edhe ngrica të lehta.

Të hënën, vendi ynë do të vazhdojë me kushte të ngjashme meteorologjike, sikur ditët paraprake. Nga dita e martë, masat e ashpra të ajrit, të cilat vijnë nga pjesa veriore e kontinentit, do të ndikojnë në uljen e temperaturave në të dy vlerat ekstreme. Borë parashihet të bie, fillimisht në pjesën e Dukagjinit dhe pastaj të njëjta kushte do ta përfshijnë edhe pjesë tjetër të territorit.

Të mërkurën temperaturat do të ulen dukshëm për shkak të reshjeve të parashikuara të borës. Vlerat e lehta negative parashihen të vazhdojnë deri të premten.

Temperaturat minimale do të lëvizin ndërmjet -3 deri 3 gradë celsius, ndërsa maksimalet e ditës parashihen të lëvizin ndërmjet 2-14 gradë celsius. Do të fryjë erë kryesisht nga verilindja dhe në intervale të shkurta edhe nga juglindja me shpejtësi 1-11m/s.

Kushtet biometeorlogjike do të jenë relativisht të mira, sa i përket cilësisë së ajrit, për shkak të qarkullimit të mirë të masave të ajrit të shoqëruara edhe nga elementet tjera meteorologjike, ndërsa këto vlera negative të temperaturave të parishikuara, nuk do të jenë në favor të pemëtarisë, sidomos te ato pemë që janë në fazën e lulëzimit.