Komuna e Kamenicës përkatësisht drejtoria e Shëndetësisë dhe Mirëqenies Sociale ka nënshkruar memorandum bashkëpunimi me OEK (Sinergjia dhe SIT-Qendra për Hulumtime, Shërbime Sociale dhe Hulumtime).

Nga nënshkrimi i kësaj marrëveshje do të përfitojnë 25 familje në gjendje ekonomike të rënduar në këtë komunë, pakot do të përmbajnë produkte ushqimore dhe higjienike.

Drejtoresha e Shëndetësisë dhe Mirëqenies Sociale, Suna Zajmi-Krasniqi, u shpreh mirënjohëse ndaj të gjithë atyre që po vazhdojnë të ndihmojnë Komunën e Kamenicës.

“Ky memorandum bashkëpunimi do t’i ndihmoj familjeve në nevojë sadopak. I jemi mirënjohës për bashkëpunimin dhe jemi të gatshëm edhe për bashkëpunime të tjera të kësaj natyre. Prioritet i yni vazhdon të mbetet mirëqenie e qytetarëve tanë”, u shpreh mes tjerash Zajmi-Krasniqi.