Pasi është hakmarrë për humbjen e befasishme kundër Andy Ruiz dhe e mori përsëri titullin e kampionit të botës në kategoritë IBF, WBA dhe WBO, Anthony Joshua do të rikthehet sonte në ring ku do të ndeshet me Kubrat Pulev, me fillim nga ora 23:00.

Një fitore e mundshme sot e Joshuas, do ta shihte atë të afrohej një hap më afër meçit kundër kampionit të WBC Tyson Fury, ku do t’i regjistronte katër kategoritë e njohura botërore nën emrin e tij.

Po ashtu para përballjes Joshua-Pulev, në program parashihen të zhvillohen edhe disa përballje të tjera, ku ndër to do të jetë edhe boksieri shqiptar Florian Marku kundër Jamier Stewart në kategorinë e peshave të lehta. Marku u pa i emocionuar për ditën e sotme, ku përmes rrjetit social “Facebook” postoi një status që thoshte “Good Morning World. Today is my day (Mirëmëngjesi Botë. Sot është dita ime)”.

Programin e plotë të përballjeve të parapara për sot, para meçit mes Joshua e Pulev, mund t’i gjeni të bashkangjitura më poshtë.

23:00 Anthony Joshua – Kubrat Pulev IBF, WBA, WBO (Kategoria e peshave të rënda)

Lawrence Okolie – Nikodem Jezewski

Hughie Fury – Mariusz Wach

Martin Bakole – Sergey Kuzmin

Kieron Conway – Macaulay McGowan

19:00 Florian Marku – Jamie Stewart

Qais Ashfaq – Ashley Lane