Stafi i Kardiologjisë Invazive ka dërguar notë proteste në Zyrën e Kryeministrit,Avdullah Hoti për “marrjen e hapësirave të repartit të Kardiologjisë Invazive”.

Sipas tyre në këtë hapësirë përfshihen 14 shtretër, hapësirat përcjellëse të administratës dhe stafit infermieror si dhe aparaturat përcjellëse.

Ata përmes një dokumenti kanë thënë se përkundër kërkesave për përmirësim të kushteve, ende nuk është marrë ndonjë veprim konkret dhe sipas tyre është duke u rritur lista e pritjes së pacientëve të cilët kërkojnë shërbime në këtë repart./21Media