Ata do ta mirëpresin fëmijën e tyre të parë këtyre ditëveduket se Katy Perry dhe Orlando Bloom do të kenë më shumë sesa hapësirë të mjaftueshme për të rritur vogëlushin.

Çifti, i cili u fejua në shkurt 2019, u panë duke shikuar tre prona masive gjatë fundjavës në komunitetin super ekskluziv të Montecito, California – rreth një orë e gjysmë në veri të Los Angeles dhe vetëm 10 minuta nga Santa Barbara, ku këngëtarja lindi dhe u rrit, përcjell portali rtv21.tv

Secila prej pronave të shikuara nga Katy dhe Orlando  kanë një çmim prej 10 milionë dollarë e më lart.

Prona e parë që i ra në sy dyshes është në shitje më pak se 10 milionë dollarë, me një vendbanim kryesor që përfshin gjashtë dhoma, 14 banjo – dhe pesë hektarë tokë.

Gjithashtu ka një pishinë, fushë tenisi, banjë, kabana me palestër. Ekziston edhe një garazh mjaft i madh për katër makina.

Më tej, çifti shikoi një pronë të stilit Colonial Revival, me pamje nga oqeani, e cila ka çmimin 11 milionë dollarë.

Ka tre hektarë e gjysmë dhe ka pesë dhoma gjumi,  e gjashtë banjo.

Çdo dhomë e shtëpisë është me pamje nga oqeani, është e përkryer për argëtim dhe përmban një banjë, teatër dhe bodrum vere. Gjithashtu ka një pishinë, palestër, fushë sportive.

Shtëpia e tretë që çifti i famshëm shikoi është më e shtrenjta nga pronat, 14 milionë dollarë dhe vjen me më pak tokë, në dy hektarë e gjysmë.

Një strukturë mbresëlënëse arkitektonike, shtëpia e një niveli të vetëm të ndërtuar në vitin 1960, gjithashtu ka pamje të mrekullueshme nga oqeanit dhe përfshin gjashtë dhoma gjumi dhe shtatë banjo.

E shkëlqyeshme për festat pas COVID-19, prona ka një kuzhinë në natyrë, gropë zjarri dhe pishinë, së bashku me një shtëpi për mysafirë./21Media