Kërkohet nga qeveria e ardhshme të shkëpusë kontratën për Kosovën e Re

INDEP shpalosi prioritetet që sipas tyre duhet t’i ketë qeverisja e re

Me rastin e Ditës Botërore të Energjisë, Instituti për Politika Zhvillimore – INDEP shpalosi prioritetet që sipas tyre duhet t’i ketë qeverisja e re në sektorin e energjisë.

Me këtë rast iu kërkua qeverisë së ardhshme që të ndërpritet kontrata e Kosovës së Re, të fillojë tranzicioni i energjisë dhe të merren masat efecientë të energjisë.
Përfaqësuesja e INDEP-it, Learta Hollaj duke folur për rëndësinë e tranzicionit të energjisë paraqiti nevojën për dekarbonizimin e energjisë. Teksa kërkoi edhe ndryshim të legjislacionit aktual për t’ia lehtësuar investimet në sektorin e energjisë.

“Tranzicioni i energjisë ka qëllim largimin e lëndëve fosile. Masa e parë që duhet të marrë Qeveria e re është ndërprerja e kontratës së Kosova e Re. Mënyra si e shohim ne tutje zhvillimin e energjisë është në mënyrë të integruar, si hap përtej së ndërprerjes së kontratës së Kosovës së Re, duhet të fokusohemi tek masat e efeciente të energjisë. Në aspektin e efecientës së energjisë duhet të fokusohemi tek humbjet në rrjetin elektrik. Hap tjetër është bashkëpunimi rajonal, tek rrjeti i interksionit mes Kosovës dhe Shqipërisë dhe liberalizimi i tregut të energjisë”, tha ajo.

Ndërkaq, hulumtuesi Dardan Abazi po ashtu i elaboroi disa nga prioritetet që duhet t’i ketë qeverisja e ardhshme.

“Ne konsiderojmë se ndërprerja e kësaj kontrate është mundësia për t’i hapur tregut të energjisë, sepse me këtë nuk ka as liberalizim të tregut. Koha e centraleve të mëdha ka kaluar, është koha të kemi një qasje të decentralizimit të energjisë. Kur jemi tek kjo sfida e dytë për neve është përkushtimi i qeverisë së ardhshme për një tranzicion energjikë për të dekarbonizuar energjinë. Investimet siç janë në efeciencë të gjitha këto do të kërkojnë fuqi punëtore dhe zhvillim ekonomik”, tha ai.

Back to top button