Prokuroria Themelore në Gjilan sot informoi se ka kërkuar caktimin e masës së paraburgimit nga Gjykata kompetente në Gjilan në afat prej 30 ditësh ndaj të dyshuarit B.M., për shkak të dyshimit të bazuar se ka kryer veprën penale ‘’Përvetësimi në detyrë’’.

“Sipas kërkesës, ekziston dyshimi i bazuar se, i dyshuari B.M., në cilësinë e zyrtarit në PTK, në Gjilan, me qëllim të përfitimit të kundërligjshëm pasuror, gjatë muajit Tetor 2020, ka përvetësuar 16 ndihma sociale, të dedikuara për përfituesit e ndihmave sociale, në vlerë prej 1,700 €.”, informoi prokuroria.

I dyshuari B.M., me urdhër të prokurorit kujdestar gjendet nën masën e ndalimit 48 orësh./21Media