Vitaminat janë disa përbërës natyralë të pranishëm në pothuajse të gjitha ushqimet. Ndonëse në sasira të vogla ato janë thelbësore për të gjitha funksionet e organizmit, përfshirë rigjenerimin e indeve dhe mirëmbajtjen e shëndetit të njeriut. Mirëpo kur trupi juaj nuk merr të gjitha vitaminat e duhura, trupi juaj është i pari që lëshon alarmin për ndihmë nëpërmjet 3 ndryshimeve të mëposhtme:

1.Mpirje gjymtyrësh: Në përgjithësi mendojmë që mpirja e gjymtyrëve të sipërm dhe atyre të poshtëm vjen si pasojë e qëndrimit pa lëvizur për një kohë të gjatë. Mirëpo, duhet të dini që ajo ndodh gjithashtu si rezultat i mungesës së vitaminave B6,B12 dhe B9 (acid folik). Këto vitamina janë shumë të rëndësishme pasi ushqejnë dhe pasurojnë me oksigjen qelizat e ndryshme të trupit dhe luftojnë veprimin e radikaleve të lira në organizëm.

2.Rënie masive të flokëve: Të gjithëve ju ndodh që në një moment të caktuar të jetës të kenë rënie flokësh, sidomos pas dekolorimit, por nëse vini re që ju bien shtëllunga flokësh çdo ditë duhet të shqetësoheni. Mungesa e vitaminës B7 (biotina) lidhet drejtpërdrejt me këtë fenomen shumë shqetësues sidomos për femrat.

Këshillë: Krahas suplementeve që mund të blini në farmaci, ju mund të merrni vitaminë B7 duke konsumuar bajame, patate, banane dhe nënproduktet e sojës.

3.Shenja të kuqe dhe të bardha në kofshë dhe duar: Prania e këtyre shenjave që në pamje të parë ngjasojnë me aknet, në duar, të pasme dhe kofshë nënkupton se trupi juaj po vuan mungesën e acideve yndyroe Omega-3 dhe vitaminave A dhe D. Shmangni yndyrnat artificiale dhe zëvendësojini ato me yndyrna të shëndetshme dhe shtoni në regjimin tuaj sa më shumë produkte deti sidomos salmon dhe sardele.