Alvaro Morata beson se ai u rikthye te Juventusi si një lojtar më i mirë dhe se gjithmonë kishte një dëshirë të rikthehej në “Alianz Arena”.

Juventus e ka rikthyer sulmuesin spanjoll, i cili i ka kaluar dy sezone te “zonja e vjetër” mes viteve 2014-2016.

“Është një ndjenjë fantastike të rikthehem këtu. Gjithmonë tërhiqesha nga mundësia të jem këtu. Mezi po pres të takohem me ekipin tim të ri. Aventura e parë ishte shumë pozitive Tani besoj se jam lojtar më i mirë. Jam rritur në shumë aspekte të jetës sime. Gjithmonë do të jem i gatshëm për Juventusin”, u shpreh Morata për “Juventus TV”.

Morata tha për Juventusin se ndihet si në shtëpinë e tij.

“Ky është një klub dhe një familje e madhe. Kur jeni në një klub ku ndiheni si në shtëpinë tuaj, ju gjithmonë keni një dëshirë për t’u rikthyer”, tha ish-sulmuesi i Real Madridit.