Mbrojtësi i kampionit anglez të futbollit Liverpool dhe ekipit kombëtar holandez, Virgil Van Dijk do t’i nënshtrohet një ndërhyrje kirurgjike në gjurin e tij të djathtë, pas lëndimit në derbin e së shtunës kundër Everton, konfirmoi klubi i tij sot.

“Liverpool mund të konfirmojë që Virgil Van Dijk do të shkojë për operacionin e gjurit që u dëmtua gjatë barazimit të së shtunës 2-2 me Everton. Ligamentet e mbrojtësit qendror u dëmtuan pas ndërhyrjes së portierit të Everton Jordan Pickford në minutën e shtatë në Goodison Park,” njoftoi skuadra angleze.

Ndërhyrja e pakujdesshme e portierit të Everton dhe ekipit kombëtar anglez zemëroi trajnerin e Liverpooli,  Juergen Klopp, i cili u detyrua të zëvendësonte lojtarin e tij më të mirë në mbrojtje shumë shpejt.

Liverpool nuk njoftoi se sa kohë do të zgjasë rikuperimi i lojtarit të kombëtares holandeze.