Kurti e Konjufca lartësojnë jetën dhe veprën e Demaçit: Figurë unike e kombit shqiptar
(lajm i përditësuar)
Kurti e Konjufca lartësojnë jetën dhe veprën e Demaçit: Figurë unike e kombit shqiptar
Në pesë vjetorin e vdekjes së veprimtarit të çështjes kombëtare, Adem Demaçi kryeministri Albin Kurti i shoqëruar nga kryetari i Kuvendit të Kosovës, Glauk Konjufca kanë bërë homazhe pranë varrit të tij.
Kryeminsitri Kurti e vlerësoi Adem Demaçin si figurë unike të kombit shqiptar.
Ai tha se vepra dhe udhëzimet e Demaçit i mbushin me përgjegjësi dhe vetëbesim.
“Në përkujtim të një figure aq të jashtëzakonshme sa që unike të kombit shqiptar. Sot u mbushën 5 vjet kur baca Adem shkoi në amshim dhe sigurisht që kemi pikëllim dhe mallëngjim që nuk e kemi më bacën Adem, por kemi edhe krenari e mirënjohje që e patëm dhe e njohëm, që punuam dhe mësuam prej tij. Jeta dhe vepra e bacës Adem, idetë dhe udhëzimet e tij na mbushin me përgjegjësi dhe vetëbesim njëkohësisht”, theksoi Kurti.
Kryetari i Kuvendit të Kosovës, Glauk Konjufca theksoi se Adem Demaçi është njëra prej figurave më të rëndësishme shqiptare që ka arritur t’i artikulojë interesat më jetike të kombit shqiptar.
Konjufca theksoi se veprimtari, Demaçi ka lënë gjurmë të pashlyeshme në historinë e vendit.
“Adem Demaçi për shqiptarët pas luftës së dytë botërore mendoj se ka qenë njëra prej figurave më të rëndësishme e cila ka arritur t’I artikuloj interesat më jetike të kombit shqiptar. Duke filluar prej koncepteve të Kosovës Republikë, të bashkimit kombëtar dhe të drejtës për vetëvendosje, Adem Demaçi jo vetëm që i artikuloi, por i mbrojti ato me një sakrificë të pashembullt duke qenë në krye të proceseve më të rëndësishme të popullit tonë, aty ku ishin të gjitha përpjekjet për mbrojtjen e të drejtave tona si popull, aty në rendin e parë ishte Adem Demaçi duke filluar prej viteve 50-ta, kur u burgos për herë të parë e deri në vitin 1998 kur thirrja e kërkoi të jetë edhe në ballë të UÇK-së. Adem Demaçi nuk ka dështuar asnjëherë, gjithmonë i ka frymëzuar brezat me sakrificën dhe me veprimtarinë e tij e cila ka lënë gjurmë të pashlyeshme dhe e cila është e rëndësishme edhe për ne që të jetojmë dhe ta përfaqësojmë Republikën e Kosovës institucionalisht në përgjegjësitë tona të ndryshme”, theksoi Konjufca.
Veprimtari i çështjes kombëtare, Adem Demaçi, i njohur si Mandela i Kosovës ishte edhe simbol i rezistencës kombëtare.
Për angazhimin e tij politik, Adem Demaçi vuajti 28 vite me radhë në burgjet e Jugosllavisë. Pasi u lirua ai menjëherë vazhdoi aktivitetin e tij politik.
Pesë vjet pa Adem Demaçin, Konujufca dhe Kurti lartësojnë figurën e tij
Kryeministri Albin Kurti bashkë me kryeparlamentarin, Glauk Konjufca kanë bërë homazhë pranë varrit të Adem Demaçit.
Në pesëvjetorin e vdekjes së tij, Kurti tha se kanë krenari dhe mirënjohje për jetën dhe veprën e tij.
“Kemi pikëllim dhe mallëngjim por kemi edhe krenari dhe mirënjohje që e patëm dhe e njohëm, që punuam dhe mësuam prej tij. Jeta dhe vepra e bacës Adem, na mbushin me përgjegjësi dhe vetëbesim”, ka thënë Kurti.
Edhe kryeparlamentari Glauk Konjufca tha se është me rëndësi që të kujtohet figura e Adem Demaçit.
“Adem Demaçi për shqiptarët mendoj qe ka qenë njëra nga figurat më të rëndësishme. Gjithmonë i ka frymëzuar brezat me veprimtarinë e tij, e cila është e rëndësishme edhe për ne që vazhdojmë të përfaqësojmë institucionet”, tha ai.
Pesë vjet pa Adem Demaçin, Kurti sot bën homazhe pranë varrit të tij
Sot bëhen pesë vjet që kur ndërroi jetë veprimtari i çështjes kombëtare, Adem Demaçi, i njohur si Mandela i Kosovës.
Me prejardhje nga fshati Lupq i Podujevës, Demaçi u lind më 26 shkurt 1936 në Prishtinë, ndërsa më 26 korrik të vitit të kaluar ndërroi jetë. Adem Demaçi ishte veprimtar për kauzën kombëtare në kohën e Jugosllavisë dhe luftonte për barazinë e Kosovës me republikat e tjera.
I njohur si simbol i rezistencës kombëtare, i ndjeri Adem Demaçi sot do të mbushte 87 vjet.
Për angazhimin e tij politik, Adem Demaçi vuajti 28 vite me radhë në burgjet e Jugosllavisë. Pasi u lirua ai menjëherë vazhdoi aktivitetin e tij politik. Ai u quajt edhe Nelson Mandela i Evropës.
Adem Demaçi udhëhoqi Këshillin për të Drejtat dhe Liritë e Njeriut (KMDLNJ) nga viti 1990 deri në vitin 1995. Në vitin 1991 u nderua nga Parlamenti Evropian me Çmimin Saharov. Gjatë periudhës 1998-1999, kur mbaheshin takimet në Rambouillet për të ardhmen e Kosovës, ai ishte zëdhënës politik i UÇK-së. Ishte njëkohësisht kryetar i Lidhjes së Shkrimtarëve të Kosovës (2005-2007).
Sot, njerëzit e rezistencës kombëtare identifikohen me emrin e Adem Demaçit, sepse ai me punën dhe me veprën e tij, u bë simbol i unifikimit për ruajtjen e kombit shqiptar, mbi pesë dekada.
Adem Demaçi me jetën dhe veprën e tij, u shndërrua në një personalitet të përmasave të historisë së përgjithshme njerëzore, ku bën pjesë edhe historia jonë kombëtare. Ai ka shkruar romanin “Gjarprijt e Gjakut” i cili u ndalua nga regjimi ish-komunist. Ai e pa dritën vetëm pas viteve nëntëdhjetë.
Pasditen e 26 korrikut të vitit 2018, Demaçi ndërroi jetë. Në nderim të tij u organizuan shumë aktivitete shtetërore si dhe u mbajtën tri ditë zie në Kosovë.
E për nder të jetës dhe veprës së tij, Shoqëria Lëvizja, sot në ora 9:30 do të bëjë homazhe tek varri i Adem Demaçit.
Ndërsa, kryeministri Albin Kurti, nga ora 09:00 do të bëjë homazhe te varri i veprimtarit dhe intelektualit, në Velani.