Kurti: Ndërkombëtarët të kërkojnë llogari nga Serbia që privoi 4 komunat veriore nga zhvillimi

Dhjetë komuna me shumicë serbe në Kosovë kanë marrë mesatarisht 62% më shumë buxhet (në tërësi) për kokë banori, si dhe 89% më shumë në shpenzime kapitale për kokë banori se 28 komunat e tjera, 27 prej të cilave janë me shumicë shqiptare. Kështu ka deklaruar përmes një postimi në Twitter kryeministri i Kosovës, Albin Kurti.
Ai ka thënë  se këto janë të dhëna nga Departamenti i Buxhetit të Ministrisë së Financave 14 vitet e fundit, duke shtuar se 6 komunat në jug kanë performuar më mirë vazhdimisht, se ato 4 veriore.
“Këtë e tregojnë të dhënat e Departamentit të Buxhetit të Ministrisë së Financave të Kosovës nga 14 vitet e fundit (’08-’22). Kur është fjala për shfrytëzimin e buxhetit, 6 komunat relativisht të integruara me shumicë serbe në jug të Kosovës kanë performuar vazhdimisht më mirë se 4 komunat tjera në veri”, ka shkruar i pari i Qeverisë.
“Politikanët serb dhe udhëheqësit komunalë në 6 komunat jugore ishin të gatshëm dhe në gjendje të planifikonin, siguronin dhe zbatonin më shumë infrastrukturë arsimore, shëndetësore dhe transporti për qytetarët e tyre sesa 4 komunat që janë në veri”.
Sipas tij komuniteti ndërkombëtar duhet të kërkojë llogari nga Qeveria e Serbisë për privimin e këtyre 4 komunave veriore nga zhvillimi.
“Detyrimi i tyre ndaj qytetarëve vendas nëpërmjet një grushti kriminelësh, të udhëhequr nga paratë, narkotikët dhe trafikantët e armëve në listën e zezë të Thesarit të SHBA-së, duhet të dënohet publikisht”., ka shkruar ai./21Media

The int’l community should hold Serbia’s Govt accountable for depriving these 4 northern municip. of proper dev. Its coercion of local citizens via a handful of criminals, led by US Treasury-blacklisted money, narcotics, and weapons traffickers, should be publicly condemned.

— Albin Kurti (@albinkurti) February 7, 2023