Kuvendi vendos sot për imunitetin e Ballukut, kërkesa e SPAK për arrestimin e saj në votim

Kuvendi i Shqipërisë do të vendosë sot mbi kërkesën për heqjen e imunitetit të deputetes Belinda Balluku.

Në orën 10:00, Kuvendi do të mblidhet në seancë plenare për të shqyrtuar kërkesën e SPAK për dhënien e autorizimit për arrestimin e Ballukut, një çështje që pritet të shoqërohet me debate dhe tensione politike.

Sipas rendit të ditës, kjo pikë është vendosur e para në agjendë, menjëherë pas nisjes së seancës plenare.

Prokuroria e Posaçme i ka kërkuar Kuvendit autorizim për arrestimin e deputetes, duke argumentuar se ajo ka intimiduar dëshmitarë dhe mund të përbëjë rrezik për provat në hetim.