Ligjvënësit argjentinas bënë një hap drejt legalizimit të abortit dhe përmbushjes së një premtimi të Presidentit, Alberto Fernández, i cili i ka vënë të drejtat e grave si prioritet të qeverisë së tij, përcjell portali rtv21.tv

Miratimi i projekt-ligjit në dhomën e ulët të Kongresit të Argjentinës të premtën, pas më shumë se 20 orësh debat, ishte një fitore legjislative për  Fernández, i cili i ka kushtuar fonde dhe kapital politik përmirësimit të kushteve për gratë, për homoseksualët dhe transgjinorët , edhe kur Argjentina lufton me krizën më të madhe financiare në një brez. Projekt-ligji do të duhet ende të kalojë përmes Senatit për të legalizuar zyrtarisht abortin në vend.

Argjentina do të bëhej  vendi i katërt  i cili do ta bënte abortin të ligjshëm në Amerikën Latine, ku ligjet e rrepta të abortit janë norma dhe  mësimi katolik ka drejtuar prej kohësh politikën./21Media