"Lufta e UÇK-së ka qenë luftë e drejtë dhe e pastër dhe e tillë është dëshmuar në vazhdimësi”

“Lufta e UÇK-së ka qenë luftë e drejtë dhe e pastër dhe e tillë është dëshmuar në vazhdimësi”

Ish-komandanti i UÇK-së në zonën e Drenicës, Sami Lushtaku, u shpreh se ka marr me shqetësim ftesën e Gjykatës Speciale për Ramush Haradinajn.

Duke e quajtur mik, Lushtaku deklaroi se Ramushi do të dalë fitimtar edhe në këtë betejë.

“Me shqetësim mora lajmin për ftesën që i është bërë nga Gjykata Speciale, mikut tim Ramush Haradinaj. Lufta e UÇK-së ka qenë luftë e drejtë dhe e pastër dhe e tillë është dëshmuar në vazhdimësi, para gjykatave vendore dhe ndërkombëtare. Ashtu si në të kaluarën, Ramushi do të dalë fitimtar edhe në këtë betejë”, ka thënë Lushtaku.

Kryeministri i vendit Ramush Haradinaj sot ka dhënë dorëheqje ta pa revokushme nga funksioni i kryetarit të Qeverisë pasi është ftuar për intervistim nga dhomat e specializuara të Gjykatës Speciale për intervistim. Javën tjetër pritet që të  udhëtoj për në Hagë.