Mac Allister fiton apelin ndaj kartonit të kuq kundër Bournemouthit

Alexis Mac Allister i është hequr pezullimi pas një apeli të suksesshëm ndaj kartonit të kuq që ai e morri gjatë fitores ndaj Bournemouthit të shtunën.

Mesfushori i Liverpoolit u ndëshkua me karton të kuq në pjesën e dytë të ndeshjes pas një ndërhyrje në Ryan Christien, raporton KosovaPress.

Një apelim nga klubi kundër suspendimit tani është miratuar nga një Komision i Pavarur Rregullator, që nënkupton se Mac Allister tani do të jetë i gatshëm për ndeshjen e radhës së Liverpoolit në Premier Ligë ndaj Newcastle United.