Qeveria e Kosovës, në mbledhjen e sotme, në kuadër të lehtësimit të masave që ndërlidhen me pandeminë, mes tjerash, ka marrë vendim për hapjen e çerdheve dhe kopshteve.

Lidhur me këtë Ministria e Arsimit, Shkencës, Tekonologjisë dhe Inovacionit, sonte njoftoi se ka kërkuar nga Drejtoritë Komunale për Arsim dhe institucionet parashkollore në vend që të zbatojnë me kujdes maksimal udhëzimet për masa mbrojtëse të IKShPK-së, OBSH-së dhe institucioneve kredibile ndërkombëtare.

Po ashtu, MAShTI njoftoi se ka vënë në dispozicion të DKA-ve, institucioneve parashkollore dhe prindërve “Udhëzuesin për rihapjen e institucioneve parashkollore dhe kopshteve pas pandemisë së COVID-19” të hartuar nga UNICEF-i.

“MAShTI u bën thirrje institucioneve parashkollore të cilat nuk janë të përgatitura sa u përket masave të sipërpërmendura se hapjen e çerdheve dhe kopshteve mund ta bëjnë ditëve në vijim, pasi të jenë siguruar se kanë bërë përgatitjet e duhura.”, bëri të ditur MASHTI përmes njoftimit.

Udhëzuesin për rihapjen e institucioneve parashkollore dhe kopshteve pas pandemisë së COVID-19, të publikuar nga MASHTI mund ta gjeni duke klikuar këtu./21Media