Sulmuesi i Paris Saint-Germain, Kylian Mbappe thuhet se ka vendosur të largohet nga kampionët e Francës kur kontrata e tij skadon në vitin 2022.

Francezi fitues i Kupës së Botës më parë konfirmoi se bisedimet mbi një marrëveshje të re me PSG-në ishin duke u zhvilluar, por ai ka mbetur i pavendosur për të ardhmen e tij deri më tani.

Mbappe vazhdon të jetë i lidhur me një lëvizje në Real Madrid ose Liverpool, dhe një kalim në një tjetër skuadër të madhe evropiane supozohet se mund të përfundojë duke u bërë realitet pas 18 muajve.

Sipas :”Diario Sport”, shoqëruesit e Mbappes kanë qenë në diskutime të shpeshta me PSG-në për të ardhmen e tij, dhe ai do të nderojë kontratën e tij aktuale derisa të mbarojë në verën e vitit 2022.

Sidoqoftë, nëse Real Madridi ose Liverpooli do të bënin një ofertë për francezin para skadimit të marrëveshjes së tij, PSG thuhet se do të kërkonte një çmim rekord botëror për ish-lojtarin e Monakos.

Mbappe, i cili thuhet se është afruar me menaxherin e Realit Zinedine Zidane, është golashënuesi më i mirë në Ligue 1 këtë sezon me 16 gola në 21 ndeshje.