Më shumë se gjysma e qyteteve në rajonin e Donetskut nën kontrollin rus

Vetëm 45% e rajonit të Donetskut është nën kontrollin e forcave ukrainase, duke lënë 55% nën kontrollin rus.
“Është shumë e vështirë të thuhet se pjesa tjetër [qytetet/territoret në Donetsk] kontrollohen nga armiku, sepse këto qytete po shkatërrohen nga armiku – ato janë vetëm territore”, tha Pavlo Kyrylenko, kreu i ushtrisë së rajonit të Donetsk.
Kyrylenko foli gjithashtu për një përqendrim të grupeve taktike të batalionit në Sloviansk dhe Lyman.
Forcat ukrainase kanë “beteja serioze përpara”, tha ai, duke shtuar se një vazhdim i bombardimeve përgjatë autostradës Bakhmut-Lysychansk është duke u zhvilluar për të “prerë” Severodonetsk dhe Lysychansk nga furnizimet./21Media