Mërgimtari deklaron rrejshëm në polici se gjatë udhëtimit nga Sllovenia në Kosovë i janë vjedhur 500 euro

Policia njofton se ka arrestuar një person për kallëzim të rremë se kinse iu kanë vjedhur 500 euro.

Siç njofton policia i dyshuari  (S.B. viti i lindjes 1981, mashkull kosovar Goran)më datën 18.07.2023, rreth orës 17:20 në Stacionin Policor Gjilan ka raportuar se se gjatë udhëtimit nga Lublana (shteti Slloven) deri në Prishtinë nga katër persona të maskuar dhe nën kërcënimin e armës atij i janë grabitur para të gatshme në vlerë prej 500 euro.

“Njësiti i hetimeve rajonale të policisë në Gjilan pas një pune mirë të organizuar operacionele dhe veprimeve të shpejta hetimore, ka arrestuar tani të dyshuarin S.B. dhe pas intervistimit të tij në bazë të procedurave ligjore, janë gjetur fakte të qëndrueshme se i lartcekuri gjithë ngjarjen e ka deklaruar rrejshëm.”, thuhet në njoftim.

Bëhet e ditur se në lidhje me rastin është njoftuar prokurori i shteti i cili ka urdhëruar që ndaj të dyshuari të ngritët kallëzim penal për veprën penale ,, Lajmërim apo kallëzim  i rrem’’ dhe rasti procedohet në prokurorinë themelore./21Media

 

Back to top button