Merren në pyetje dëshmitarët për rastin e “Veteranëve”

Pas Ramës, do të merret në pyetje Gucati e Lushtaku

Komandanti i FSK-së, Rrahman Rama për afër tri orë ka dhënë deklaratën e tij në cilësinë e dëshmitarit për rastin e veteranëve të rrejshëm në gjykatë.

Seanca është ndërprerë me një pauzë ku Rama pritet ta vazhdojë dëshminë e tij edhe për rreth 30 minuta, ndërsa, më pas në pyetje do të merren Hysni Gucati dhe Sami Lushtaku, e të cilët një ditë më parë nuk i ishin përgjigjur thirrjes së gjykatës në cilësinë e dëshmitarit.

Kryetarja e trupit gjykues, Nushe Meka, ka thënë se për shkak të ruajtjes së procesit, mediave u ndalohet publikimi i dëshmive derisa të përfundojë seanca.