Ndonëse, me mjaft mund dhe vështirësi, Milani sonte ka arritur që ta mposhtë edhe Sampdorian, rivalin e xhiros së dhjetë në Serie-A.

Me disa mungesa të rëndësishme, Milani ka triumfuar me rezultat të ngushtë 1-2 në stadiumin “Luigi Ferraris”.

Frank Kessie i ka kaluar “Rossonerët” në epërsi në fund të pjesës së parë nga penalltia.

Në pjesën e dytë është zhvilluar lojë më dinamike. Milani ka dyfishuar rezultatin në 0-2 në minutën e 77’ me golin e Castillejos, kurse Sampdoria e ka bërë më interesant fundin e takimit me golin e Ekdalit në minutën e 83’ të takimit.

Milani vazhdon kryesimin e tabelës në Serie -A edhe pas dhjetë ndeshjeve me 26 pikë, e ndjekur nga rivali i qytetit, Interi me pesë pikë më pak në vendin e dytë.