Propozohet që të këtë lehtësime për stafin mjekësor më të moshuar

Propozohet që të këtë lehtësime për stafin mjekësor më të moshuar

Ministri i Shëndetësisë, Arben Vitia mbajti sot një takim me drejtues të institucioneve shëndetësor dhe përfaqësues të organizatave të komunitetit mjekësor.

Gjatë këtij takimi u diskutua për situatën në terren pas shpalljes së gjendjes emergjente nga ana e Qeverisë së Kosovës, me rekomandim të Minsitrisë së Shëndetësisë.

Në këtë takim ndër të tjerash është propozuar që të këtë lehtësime për stafin mjekësor më të moshuar dhe të inkuadrohen vullnetarët që kanë shprehur gatishmërinë, organizimi i ekipeve mobile për vizita të qytetarëve që kanë shenja të dyshimit në COVID-19, furnizimi me materiale mbrojtëse i zonave ku janë ndaluar hyrje-daljet.

Sipas një komunikate për media në takim u dhanë disa rekomandime nga ana e profesionistëve shëndetësorë, të cilat më pas u klasifikuan se si duhet proceduar në situatë emergjente në mënyrë që të institucionet të jenë më efikase në zbatim të Planit të Veprimit.

Me qëllim të koordinimit në këtë takim u diskutua edhe për hierarkinë e strukturave vendimmarrëse si dhe riorganizimin dhe sistematizimin e punonjësve shëndetësor në përputhje me situatën e krijuar dhe nevojat emergjente.

Ministri Vitia i njoftoi përfaqësuesit e institucioneve dhe organiztave shëndetësore me një varg masash të cilat tashmë janë ndërmarrë nga Ministria e Shëndetësë pasi që ato janë aprovuar paraprakisht nga Komitetit për Koordinim dhe Vlerësim të Situatës Emergjentë lidhur me virusin Covid-19.

Këto dhe masat e tjera të dakorduara njëzëri në këtë takim i cili do të koordinohet si një trup i vetëm në mbrojte të shëndetit të popullatës, do të publikohen pasi që ato të aprovohen nga Komiteti për Menaxhimin e Emergjencave, pjesë e të cilit janë të gjitha institucionet relevante.

Ndërsa, më pas do t’i adresohen Komisionit të Veçantë të udhëhequr nga Kryeministri i Republikës së Kosovës./21Media