Moti sot – paraditja me diell, pasditja me rrebeshe lokale shiu

Për sot parashikohet të mbajë mot kryesisht me diell në pjesën e parë të ditës, ndërsa gjatë orëve të pasdites, veçanërisht më vonë, pritet vranësirat të marrin karakter zhvillimi dhe të sjellin rrebeshe lokale shiu e breshër, të shoqëruara me shkarkesa rrufesh, disa prej tyre të forta.

Reshjet apo stuhitë më të përqendruara parashihen në lindje të vendit.

Era do të fryjë nga jugperëndimi, e cila në momente të caktuara pritet të jetë mjaft e fuqishme, me shpejtësi prej 15 deri në 60 kilometra në orë.

Temperaturat minimale do të luhaten prej 12 deri në 15 gradë Celsius, ndërsa ato maksimale prej 26 deri në 30 gradë Celsius. /MeteoKosova