Mourinho beson se lëndimet e kushtëzuan “Fenomenin”

Mourinho beson se lëndimet e kushtëzuan “Fenomenin”

Trajneri i Tottenham-it, José Mourinho dha një intervistë për “Live Score”, në të cilën zgjodhi futbollistin më të mirë në histori, sipas tij.

Trajneri portugez befasoi në zgjedhjen e tij, duke mos zgjedhur as Cristiano Ronaldon, por as Messin.

“Për mua, Ronaldo, braziliani, ishte një talent i pastër. Cristiano dhe Leo Messi kanë qenë në krye të futbollit botëror çdo ditë, prej 15 vitesh, me një rivalitet shumë të gjatë dhe të suksesshëm. Por, nëse flasim rreptësisht për talentin dhe aftësinë, askush nuk e mposht brazilianin. Kur luajti te Barcelona, me Bobby Robson, kuptova se ai ishte lojtari më i mirë që kisha parë ndonjëherë”, tha ai.

telemedia.al

Mourinho beson se lëndimet e kushtëzuan “Fenomenin”, që mund të kishte shkuar edhe më tej në karrierë.

“Lëndimet vranë një karrierë, që mund të ishte edhe më e pabesueshme, por talenti që kishte Ronaldo në moshën 19 vjeç përbënte diçka të jashtëzakonshme. Nëse flasim ekskluzivisht për talent, askush nuk e tejkalon atë”, shtoi ai.

Trajneri portugez dhe ish-ylli brazilian kanë përkuar te Barça, në sezonin 1996-1997.

Mourinho është në pritje të rifillimit të stërvitjes dhe Premier League, pas ndalesës që shkaktoi pandemia e “Coronavirus”. Aktualisht, as për njërën dhe as për tjetrën nuk ka asnjë datë rifillimi, pasi urgjenca shëndetësore mbetet kritike në Angli.