Mustafa: Unë, Lumiri, Lutfiu e Antoni jemi miq

2 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

 

Besian Mustafa është në garë për të parin e Lidhjes Demokratike të Kosovës. Mustafa ka thënë se ai dhe kundërkandidatët e tjerë për këtë post janë fund e krye LDK.

Ai përmes një postimi në facebook ka thënë se nesër në mëngjes do të jenë kundërkandidat mirëpo në mbrëmje do të jenë sërish miq, bashkëpartiak dhe kolegë të reshtuar pas kreyetarit të ri.

“Unë, Lumiri, Lutfiu, Antoni, etj. jemi LDK, fund e krye! Nesër në mëngjes jemi kundërkandidat në garën më demokratike në politikën kosovare. Nesër në mbrëmje jemi miq, bashkëpartiak dhe kolegë të rreshtuar pas kryetarit të ri. Që nga dita e parë e LDK-së, 23.12.1989, na ka udhëhequr uniteti, solidariteti, dialogu, vizioni! Ashtu siç pritej, në medie u fol shumë, u munduan të na bëjnë pjesë të grupeve e skemave imagjinare. Por, ne ishim, jemi dhe do të jemi gjithmonë të bashkuar rreth LDK-së!Heshtja që po mbizotëron ende brenda LDK-së duhet thyer shpejtë, shumë shpejtë. Ja kemi borxh të gjithë qytetarëve të Kosovës, të gjithë brezave të saj”, ka shkruar ai.

Bashkë me këtë shkrim Mustafa ka shpërndarë edhe disa fjalë të babait të tij, njërit prej themeluesve të LDK-së, Xhemajl Mustafës.

“Intelegjencia krijuese e vendit, pjesa dërrmuese e intelektualëve që betohen shpesh në humanizëm, në demokraci dhe në lirinë e shpirtit e të mendjes, këto ditë ranë në një provim të rëndë moral, që për intelektualët dhe inteligjencien e njëmendët, s’ka dyshim, është rënia dhe pësimi më i rëndë. Po bëhen shtatë ditë të tëra që kur minatorët e Trepçës gjendjen në galeritë e thella e të ftohta të nëntokës, kurse pjesa dërrmuese e inteligjencis së vendit hesht, rri dhe bën sehir me një dramë të paparë njerëzore, me një tragjedi… Indiferenca dhe turpi, sprova dhe katandisja morale mund të jetë e pafund, veçmas kur inteligjencia kalkulon me qëndrime, disponime dhe me strategji të ndryshme pragmatike e politikaniste… Me dramën e minatorëve njeriu duhet të solidarizohet, kurse drama, katandisja morale dhe heshtja e inteligjencias së vendit njëmend është për ngushëllim”, ka përfunduar shkrimin e tij Besian Mustafa.

Nesër LDK-ja do e zgjedhë kryetarin e ri të partisë. Në garë deri më tani për këtë post janë: Anton Quni, Lutfi Haziri, Lumir Abdixhiku e Besian Mustafa./21Media