Ndalohen dy punonjës të Postës së Serbisë, kapen duke shpërndarë dërgesa në veri të Kosovës

Dy persona janë ndaluar në Mitrovicën e Veriut nën dyshimin se si punonjës të Postës së Serbisë shpërndanë dërgesa postare paligjshëm.

Në raportin 24 orësh të Policisë së Kosovës, bëhet e ditur se dy të dyshuarit janë kapur duke shpërndarë dokumente të ndryshme në shërbim të postës së Serbisë.

Policia bën të ditur se gjatë kontrollit në banesat e tyre si prova materiale janë sekuestruar: dokumente të ndryshme që shërbejnë si dëshmi që të njëjtit ushtrojnë veprimtarinë si postier të postës së Serbisë në Republikën e Kosovës.

Pas intervistimit me vendim të prokurorit të dyshuarit janë liruar në procedurë të rregullt hetimore.

“Mitrovicë Veri 07.04.2026 – 10:00. Janë arrestuar dy të dyshuarit meshkuj kosovarë, pasi që të njëjtit janë hasur duke shpërndarë dokumente të ndryshme në shërbim të postës së Serbisë. Gjatë kontrollit në banesat e tyre si prova materiale janë sekuestruar: dokumente të ndryshme që shërbejnë si dëshmi që të njëjtit ushtrojnë veprimtarinë si postier të postës së Serbisë në Republikën e Kosovës. Pas intervistimit me vendim të prokurorit të dyshuarit janë liruar në procedurë të rregullt hetimore”, thuhet në raport.