Ndeshje për paqe, Dinamo Kiev do të luajë një seri miqësoresh kundër ekipeve evropiane

Dinamo e Kievit, kampion në fuqi i Premier Ligës së Ukrainës, konfirmoi të premten se do të luajë një seri miqësore kundër disa prej klubeve më të mira evropiane për të mbledhur para për vendin.

Në një deklaratë, Dinamo informoi se miqësoret do të zhvillohen midis prillit dhe qershorit dhe nën sloganin “Ndeshje për paqe! Ndaloni luftën!”.

Barcelona, ​​Paris Saint-Germain dhe Borussia Dortmund janë vetëm tri nga skuadrat që marrin pjesë në seri.

Klubi tha se qëllimi i serisë është të informojë “komunitetin ndërkombëtar për luftën e tmerrshme në Ukrainë dhe të mbledhë fonde për të mbështetur ukrainasit që vuajtën nga lufta me agresorin rus”, shkruan BBC, përcjell rtv21.tv

Premier Liga e Ukrainës është ndalur nga lufta, e ardhmja e saj është e pasigurt pasi infrastruktura që i përket klubeve është dëmtuar dhe disa lojtarë të huaj janë larguar nga vendi./21Media