Sot kur po festojnë të gjithë shqiptarët, edhe një arsye më shumë për të festuar ka në familjen Ukelli. Kjo ngase zonja e shtëpisë, Fikrija, siç e njohim Ceka feston 80 vjetorin e lindjes.

Gruaja e cila për vite me radhë u bë pjesë e familjeve tona me recetat e saj që i sjell përmes emisionit “Diçka po Zihet” në RTV21 çdo të diele, në një postim në Facebook ka falënderuar të gjithë ata që e kanë uruar.

Por, ajo pa dyshim që u kujtua që të urojë edhe shqiptarët për “Ditën e Flamurit”

“Për 80 vjetorin e ditëlindjes sime, mora shumë telefonata, mesazhe dhe urime nepërmes f.b. Ju falemnderit shumë!Të gjithë shqipëtarëve kudo që janë, urime Festa e Flamurit!”, ka shkruar Ceka në Facebook, ku ka publikuar edhe disa imazhe nga ditëlindja e saj. Këto imazhe dëshmojnë se vërtetë 80 vjet janë vetëm numër për të ./21Media