Kërkohet drejtësi për krimet e bëra në Kosovë, Bosnje dhe Kroaci

Kërkohet drejtësi për krimet e bëra në Kosovë, Bosnje dhe Kroaci

Organizata e grave shqiptaro-amerikane do të protestojë sot në New York, duke kërkuar drejtësi për krimet e bëra në Kosovë, Bosnje dhe Kroaci.

Komuniteti shqiptaro-amerikan, boshnjak-amerikan dhe kroat-amerikan do të kërkojnë drejtësi për 70 mijë viktimat e dhunës seksuale, duke i bërë thirrje Serbisë për të identifikuar kryerësit e krimeve të tmerrshme.

Protesta mbahet para konsullatës së Serbisë në New York duke filluar nga ora 11.00.

Ndryshe e mbijetuara e dhunës seksuale, Vasfije Krasniqi Goodman, ditë më parë në emisionin Bon Bon në RTV21 deklaroi se pas kësaj proteste pret që UN të fut në listë raportin e Kosovës.

“Me kërku drejtësi internacionale UN me i bo presion Serbisë me pranu fajin, me pranu atë krimin që e kanë bo edhe drejtësia shkon në vend.”, tha Krasniqi Goodman.

Ajo po ashtu bëri thirrje që tema e dhunimeve të mos mbetet tabu, por femrat e dhunuara të përkrahen.