Ngjarjet e paralajmëruara për sot në vendin tonë:

Ngjarjet e paralajmëruara për sot në vendin tonë:

Ministri i Shëndetësisë Armend Zemaj pret në takim grupin e parë të specializantëve të ri, të cilët do të lidhin kontratat për fillimin e shkollimit specialistik, sipas konkursit të MSH-së. (Ministria e Shëndetësisë, ora 10:00)

Ministria e Infrastrukturës publikon aktivitetet javore në shënimin e Ditës Botërore për përkujtimin e viktimave në trafikun rrugor, merr pjesë ministri i Infrastrukturës, Arban Abrashi. (Sheshi “Zahir Pajaziti”, Prishtinë, ora 10:00)

Kryetari i Komunës së Prizrenit, Mytaher Haskuka dhe drejtori i Drejtorisë së Punës dhe Mirëqenies Sociale, Islam Thaqi do të marrin pjesë në shpërndarjen e drurëve për familjet në nevojë. (Depoja e drurëve, fshatin Piranë, ora 11:00)

AKK në bashkëpunim me ministrin e Shëndetësisë Armend Zemaj organizon takim virtuale me Këshillin e Kryetarëve për t’u diskutuar për masat e reja. (Ora 11:00)

Paraqitja e parë e Jakup Krasniqit në Dhomat e Specializuara të Kosovës. (Ora 11:00)

Ministri i Drejtësisë, Selim Selimi, do të mbajë një konferencë për media. (Holli i Ministrisë së Drejtësisë, ish-objekti i Rilindjes, ora 13:00)

Mbahet mbledhja e Kryesisë së Kuvendit të Kosovës. (Kuvendi i Kosovës, salla C301, ora 14:00)

Paraqitja e parë e Hashim Thaçit në Dhomat e Specializuara të Kosovës. (Ora 15:00)