FDA i jep dritën e gjelbër edhe pilulës së Merck & Co

Rregullatorët në Administratën Amerikane të Ushqimit dhe Barnave (FDA) njoftuan se kanë autorizuar pilulën e re antivirale COVID-19 të Merck & Co, pasi dhanë miratimin për një trajtim të ngjashëm nga Pfizer.
FDA autorizoi ilaçin oral, të quajtur molnupiravir, për trajtimin e sëmundjeve të lehta deri në mesatare tek të rriturit që janë në rrezik për sëmundje të rënda dhe për të cilët trajtimet alternative nuk janë të disponueshme.
SHBA-ja raportohet se tashmë ka porositur pesë milionë pilulat e para për trajtimin e virusit.
Vendimi për përdorim emergjent të pilulës ka ardhur një ditë pasi agjencia ka dhënë dritën e gjelbër për një pilulë kundër koronavirusit, të prodhuar nga kompania Pfizer.
Pilula e kompanisë Merck & Co duhet të merret pesë ditë pas simptomave të para dhe sipas disa studimeve, ajo e zvogëlon numrin e hospitalizimeve dhe vdekjeve te kategoritë e rrezikuara.
Pilula e kompanisë Pfizer është thënë se zvogëlon simptomat e rënda për gati 90 për qind./21Media