Një tërmet me magnitudë 5.1 shkallë të Rihterit goditi Zagrebin sot në orën 06:28, sipas Qendrës Sizmologjike Evropiane-Mesdhetare.

Tërmeti ndodhi 2 km nën tokë, 50 km në juglindje të të kryeqytetit të Kroacisë dhe 12 km në veriperëndim të Sisak.

Lëkundja u ndie fuqishëm në të gjithë zonën e Sisakut, duke i bërë njerëzit të vraponin në rrugë nga frika e pas lëkundjeve, transmeton rtv21.tv.

Tani për tani nuk është raportuar zyrtarisht se çfarë dëmi ka shkaktuar, por është konfirmuar raporte të dëmtimeve të vogla në disa ndërtesa dhe shumë njerëz tashmë po ankohen për muret e çara dhe oxhaqet në zonën e Sisakut./21Media