Nuk ka botëror për Shqipërinë!
(Lajm i përditësuar)
Përfundon sot ëndrra kuqezi. Shqipëria është mposhtur 2-1 përballë Polonisë në gjysmëfinalet e fazës “play-off” në Varshavë.
Edhe pse kaluan të parët në avantazh me anë të Arbër Hoxhës në pjesën e parë të lojës, kuqezinjtë nuk mundën të ruanin rezultatin, pasi polakët do të përmbysnin gjithçka në pjesën e dytë.
Poloni-Shqipëri, pjesa e dytë
Mundësi e mirë për Shqipërinë, Hoxha pason në zonë, por topi i tij nuk shfrytëzohet.
Shqipëria në epërsi ndaj Polonis
Minuta 42′ topi përshkon rrjetën. Arber Hoxha ruan qetësinë dhe shënon për 0-1.
37’Matty Cash kryen një ndërhyrje të shëmtuar ndaj kundërshtarit të tij, por gjyqtari nuk e paralajmëron.
Mbrojtja është në gatishmëri teksa largon një krosim të rrezikshëm nga Matty Cash. Polonisë i është dhënë një goditje nga këndi.
Fillon pjesa e parë e ndeshjes mes Kombëtarës së Shqipërisë dhe asaj të Polonisë, në kuadër të gjysmëfinales së “play-off”-it, për kualifikim në Kupën e Botës 2026.
Polonia nuk arrin të shënojë nga një goditje këndi, në minutën e 6’ ndërsa Thomas Strakosha, hidhet për të marrë topin.
Minuta e 8’ Polonia ekzekuton goditjen nga këndi, por shpresat e tyre për të shënuar një gol mbarojnë me një spastrim të bukur nga mbrojtja.
Kjo sfidë zhvillohet në format eliminator dhe është vendimtare për vazhdimin e rrugëtimit drejt Botërorit. Kuqezinjtë kanë zhvilluar përgatitje intensive në ditët e fundit dhe synojnë të arrijnë një rezultat pozitiv ndaj një kundërshtari të fortë si Polonia, që luan para publikut vendas.