Shefja e Zyrës së Bashkimit Evropian në Kosovë, Natalyia Apostolova ka deklaruar se është zhgënjyer nga deputetët e Kosovës pasi ata nuk votuan për ratifikimin e marrëveshjeve ndërkombëtare në seancën e sotme.

Sipas saj, mosmarrëveshjet politike të përfaqësuesve të popullit të kosovës po i pamundësojnë qytetarëve të përfitojnë nga përkrahja ndërkombëtare dhe fondeve të BE-së

“Thellësisht e zhgënjyer nga deputetët që nuk arritën të ratifikojnë edhe një herë tjetër marrëveshjet ndërkombëtare sot. Mosmarrëveshjet politike të përfaqësuesve të popullit të kosovës po i pamundësojnë qytetarëve të përfitojnë nga përkrahja ndërkombëtare dhe fondeve të BE-së”, ka shkruar shefja e Zyrës së BE-së në Kosovë.

Për shkak të mungesës së kuorumit në Kuvend në seancën e sotme nuk kanë kaluar pesë marrëveshjet financiare ndërkombëtare. Deputetët votuan me 75 vota pro projektligjin për ratifikimin e marrëveshjes për financim ndërmjet Kosovës dhe Asociacionit ndërkombëtar për zhvillim për projektin e fuqizimit të sektorit financiar. Mirëpo, ky projektligj nuk kaloi për shkak të mungesë së kuorumit. /21Media